"Nyak, katenye babeh naek pangkat trus dapet mubil dinas dari kantornye, yee...?."
"Iyee, mangnye nape ?."
"Kok mubilnye kagak perne dibawe pulang, sih..?. Bilang dong... ame babe, supaye ntu mubil dibawe pulang. Pan lumayan sekali-kali bise Duloh bawe ke kampus ato ke rumenye neng Maya, ngejemput die pas malem mingguan."
"Ntar deh, enyak tanyein dulu ame babe lu boleh kagak tu mubil dinas di bawe pulang."
Lusanya di depan rumah Duloh.
"Nyaaakk...!!, nape ni mubil jenazah parkir depan rume kite ?."
"Lhaa... pan dari kemaren-kemaren lu bilang pengen minjem mobi dinasnye babe lu buat ngejemput neng Maya. Noh... kemaren enyak udah bilangin ame babe lu. Babe lu bilang, boleh aje... tapi kate babe lu ati-ati ngebawanye. Jangan suka ngebut-ngebut. Trus... jangan sering-sering nengok kebelakang, siapa tau ada yang nyolek...!."
Maaf, hanya komentar relevan yang akan ditampilkan. Komentar sampah atau link judi online atau iklan ilegal akan kami blokir/hapus.
0Komentar
Maaf, Hanya komentar relevan yang akan ditampilkan. Komentar sampah atau link iklan ilegal akan kami hapus. Terima kasih. (Admin)